Мнения других авторов
- 20.03 // 16:52 Алла Бобкова. ПОЛЕМИКА. Белорусское кино: было, будет ли? // Статья
- 19.03 // 14:16 Марат Афанасьев. ТАЛАКА. Платим двойной тариф и двойные налоги. Как это сделано? // Статья
- 18.03 // 19:00 Ярослав Романчук. КРИЗИС. Подготовка к жесткой посадке // Статья
- 17.03 // 13:57 Владимир Ковалкин. КАК ОБУСТРОИТЬ БЕЛАРУСЬ. Хватит планировать в стиле «пол-палец-потолок» // Статья
- 16.03 // 10:31 Игорь Драко. СТРАСТИ. Какую часть туши русского медведя съест Беларусь? // Статья
Другие Мнения этого автора
- 19.02 // 16:47 Алесь Лагвінец. НАРОДНЫ РЭФЕРЭНДУМ. Асацыяцыя і Эўропа бяз візы так проста не бываюць // Статья
- 23.08 // 15:27 Алесь Лагвінец. РЭФЕРЭНДУМ. Які тэлефон апазіцыі і пра што яна па ім гаворыць? // Статья
- 16.04 // 16:28 Алесь Лагвінец. ВЫБАРЫ. Чаму трэба назіраць «на выбарах» // Статья
- 27.09 // 11:28 Алесь Лагвінец. МЫ.Чаму я займаюся палітыкай? // Статья
Мнение
Алесь Лагвінец. НАЦЫЯНАЛЬНЫ ІНТАРЭС. Як зрабіць незваротнай незалежнасьць
Алесь Лагвінец. 38 год. Беларус. Палітоляг, перакладчык, заснавальнік руху «За Свабоду». Ад лютага 2007 году — памочнік і дарадца лідэра руху «За Свабоду» Аляксандра Мілінкевіча. Кандыдат у дэпутаты па Сухараўскай акрузе ў 2004, 2007 і 2010 гадах. Ляўрэат “Прэміі Эўропы” 2007 году нямецкага фонду імя Гайнца Шварцкопфа “Маладая Эўропа”. Хобі: футбол, вандроўкі на ровары, плаваньне. |
Усяго толькі 20 год таму пры вельмі складаных акалічнасьцях наша краіна прыняла Дэклярацыю аб сваёй незалежнасьці. Час паказаў, што незалежнасьць для пост-імпэрскай пэрыфэрыі, моцна завязанай на былую мэтраполію, — гэта ўвесьчасны выклік, гэта тэст на дасьпеласьць ды адказнасьць.
За гэтыя 20 год адбылася істотная эвалюцыя як кіроўных колаў, так і грамадзтва. На пачатку незалежнасці вельмі мала хто асьмельваўся дый быў здольны мысьліць у катэгорыях незалежнай дзяржавы. Нават сур’ёзна асэнсаваць ды запытацца, ці ёсьць у Беларусі нацыянальныя інтарэсы, шмат кім лічылася недарэчным.
Сёньня ж выраз “нацыянальны інтарэс” выкарыстоўваецца амаль усімі грамадзка-палітычнымі акторамі ў краіне. Найбольшая вэрбальная мэтамарфоза адбылася з кіроўнымі коламі. Зараз яны ва ўнісон цьвердзяць, што нібыта толькі сёньняшні кіраўнік мае ўнікальныя здольнасьці ды пакліканьне адстойваць нацыянальны інтарэс.
Вяртаючыся да 4-х асноўных мэтаў міжнароднага існаваньня дзяржаўнае адзінкі, паспрабуем адказаць на структурнае пытаньне, ці на сёньняшнім этапе дыктатура, вельмі моцна сканфігураваная вакол аднае вельмі неадназначнае асобы, ў стане гарантаваць бясьпеку і сувэрэнітэт краіны, падвышаць дабрабыт і пашыраць магчымасьці для стваральнай самарэалізацыі яе грамадзянаў, а таксама істотна палепшыць рэгіянальны ды глябальны прэстыж.
Адказ відавочны — не. Бо дыктатура грэбуе і маніпулюе грамадзтвам, апэлюе да нізкіх пачуцьцяў, выкарыстоўвае любыя мэтады дзеля дасягненьня сваіх мэтаў, бо яна грунтуецца на заганным дэлегаваньні самому сабе права вызначаць, што ёсьць нацыянальным інтарэсам, а таксама на злачынным падпарадкаваньні дзяржаўных інтарэсаў інтарэсам уладнай сямейна-клянавай групоўкі. Яна прымусова, з выкарыстаньнем сілы і запужваньня, навязвае сябе грамадзтву, ператварыўшы выбары ў сродак маніпулятыўнай аклямацыі, а не дэмакратычнай легітымізацыі ўлады. Яна робіць усё, каб стварыць з асобы залежнага ды пасыўнага спажыўца, а не адказнага ды абазнанага грамадзяніна. Яна баіцца самога грамадзтва і не давярае людзям. Карацей, дыктатура — гэта застой і адстой.
Сёньня відавочна, што аўтарытарны рэжым так і не здолеў адказаць на абсалютную бальшыню выклікаў, якія стаялі перад нашай краінай на пачатку 1990-х гадоў. Урэшце, дыктатура па шматлікіх прычынах няздольная напоўніцу скарыстацца з наяўных магчымасьцяў эўраінтэграцыі і зрабіць незваротнай незалежнасьць, пра якую ў той ці іншай форме марылі і мараць адказныя беларусы.
Іншы ўзровень аналізу: магчымасьці і пагрозы пры адстойваньні нацыянальнага інтарэсу. У сьвятле апошніх рэгулярных канфліктаў паміж аўтарытарнымі кіраўнікамі Мінску і Масквы, усё больш заганнай і небясьпечнай становіцца спроба аднабаковага арыентавання на аднаго партнэра. Вельмі важнага партнэра, зь якім абавязкова трэба выбудаваць прыязныя празрыстыя і ўзаемавыгадныя стасункі. Партнэра, зь якім ёсьць шмат кропак узаемадзеяньня і які мае велізарны ўплыў на Беларусь. Але партнэра, які па-ранейшаму не гатовы разглядаць нас як асобную нацыю і які наўрад ці сёньня будзе спрыяць паўставаньню ў Беларусі мадэлі функцыянаваньня дзяржавы, эканомікі і грамадзтва, больш дэмакратычнай і справядлівай за сваю ўласную.
Так, Расія ёсьць абавязковым і непазьбежным партнэрам пры адстойваньні нашых нацыянальных інтарэсаў, але яна ня можа быць адзіным або самым галоўным. Вось жа, эўрапейскі вэктар разьвіцьця — падмурак нацыянальнага інтарэсу Беларусі, http://nmnby.eu/news/analytics/12.html бо толькі эўраінтэграцыя дазволіць мадэрнізаваць — палітычна і эканамічна — краіну, адрадзіць нацыянальную, палітычную і грамадзянскую культуру людзей, стварыць трывалы падмурак для вядзеньня паважлівага дыялёгу з расейскімі суразмоўцамі, а таксама гарантаваць наяўнасьць непераадольных бар’ераў для папулізму з боку чарговага “чорта з табакеркі” або ўльтралібэрала, гатовых прадаць/аддаць/аб’яднаць усіх ды ўсё дзеля спаталеньня сваёй прагі да ўлады або рэалізацыі сваіх эфэмэрных канцэптаў ды схемаў.
Меркаванні калумністаў могуць не супадаць з меркаваннем рэдакцыі. |
В настоящее время комментариев к этому материалу нет.
Вы можете стать первым, разместив свой комментарий в форме слева