Мнения других авторов
- 02.04 // 15:53 Евгений Балинский. ТОЧКА ЗРЕНИЯ. День, когда всё только начнется // Статья
- 01.04 // 10:42 Павел Севярынец. ФЕНАМЕНАЛОГІЯ БЕЛАРУСІ. Батлейка // Статья
- 31.03 // 11:26 Лев Марголин. ПРАВЫЙ ВЗГЛЯД. Рубль снова упадет, или Квадриллион в фантиках // Статья
- 30.03 // 14:26 Владимир Подгол. МЕЖДУ СТРОК. Открытия Лукашенко в области парламентаризма // Статья
- 29.03 // 12:34 Инна Ромашевская. КАК ОБУСТРОИТЬ БЕЛАРУСЬ. Оценка за поведение // Статья
Другие Мнения этого автора
- 23.10 // 09:16 Аляксандр Мілінкевіч. ЗА СВАБОДУ. Смак Еўропы для Беларусі // Статья
- 21.08 // 20:04 Аляксандр Мілінкевіч. НАРОДНЫ РЭФЕРЭНДУМ. Колькі павінен зарабляць настаўнік? // Статья
- 02.10 // 13:28 Аляксандр Мілінкевіч. ЗА СВАБОДУ. Краіна маленькіх начальнікаў // Статья
- 16.04 // 11:47 Аляксандр Мілінкевіч. ДЫЯЛОГ. Любіце Беларусь болей, чым вы ненавідзіце Лукашэнку! // Статья
- 18.12 // 15:18 Аляксандр Мілінкевіч. ЗА СВАБОДУ. Такога, як Гавел! // Статья
Мнение
Аляксандр Мілінкевіч. РОЗГАЛАС. Прабачэнні Еўрасаюзу
Аляксандр Мілінкевіч. Старшыня Руху “За Свабоду”. Нарадзіўся ў 1947 годзе ў Гродне. Кандыдат фізіка-матэматычных навук, дацэнт. Намеснік старшыні Гродзенскага гарвыканкаму (1990-1996). Кандытат у прэзідэнты ад аб’яднаных дэмакратычных сілаў у 2006 годзе. Лаўрэат прэміі Еўрапейскага парламенту імя Андрэя Сахарава “За свабоду думкі”. |
Вельмі непрыемна ўразіў каментар старшыні АГП Анатоля Лябедзькі па выніках сустрэчы лідараў апазіцыі з пасламі краінаў Еўрасаюзу, якая адбылася 28 кастрычніка ў Мінску. На мове дыпламатыі — гэта хамства. Разам з тым — і хваравітая, малаадэкватная праява беларускага апазіцыяцэнтрызму. У тым ліку праз гэта мы маргіналізуемся і маем паразы.
На згаданай сустрэчы прысутнічалі, акрамя мяне і Лябедзькі, Уладзімір Някляеў, Сяргей Калякін і Павел Севярынец.
У інтэрв’ю БелаПАН Лябедзька адзначыў, сустрэчы ў такім фармаце не праводзіліся аж з 2010 года. Хаця наракаць на дэфіцыт кантактаў з замежнымі дыпламатамі, прынамсі, некарэктна.
«Напэўна, гэта звязана з тым, што Лукашэнка спрабуе ўплываць на кадравую палітыку ЕС. Чатыры гады таму быў вельмі моцны падбор дыпламатаў, якія з'яўляліся не прадстаўніцтвамі нейкіх партоў ці эканамічных колаў, а дыпламатамі ў поўным сэнсе гэтага слова. Цяпер гэтага, на мой суб'ектыўны погляд, няма», — заявіў Анатоль Лябедзька.
Гэта сапраўды асабісты погляд Анатоля Лябедзькі. У дадзеным выпадку ён зрабіў такую агаворку. Але ж бываюць сустрэчы, калі апазіцыйныя палітыкі ўспрымаюцца як прадстаўнікі ўсіх дэмсілаў. Да ўсяго Лябедзька прэтэндуе на статус адзінага кандыдата ад апазіцыі на прэзідэнцкіх выбарах-2015.
Шчыра прызнаюся, мне сорамна за гэтае выказванне лідара АГП, і я прыношу прабачэнні прысутным на гэтай сустрэчы еўрапейскім амбасадарам.
Паслы краінаў ЕС працуюць у Беларусі не для абслугоўвання апазіцыі, а адстойваюць найперш інтарэсы сваіх краінаў. Груба кажучы, не трэба і шкодна чакаць, што яны будуць «рабіць нам прыгожа» — замест нас саміх.
Ці не таму мы такія слабыя, што шмат гадоў спадзяёмся на знешняе спрыянне?
І санкцыі нам падавай вось такія і такія, і дыпламатаў прызначай на наш густ, і падтрымку давай у гэткіх і гэткіх аб’ёмах. Вось тады мы — ух! — зрынем дыктатуру…
Падобныя выказванні, якія дазволіў сабе ці то з адчайнае эмоцыі, ці то з пазіцыі правакацыйнага маралізатарства Анатоль Лябедзька, на жаль, дыскрэдытуюць беларускую дэмакратычную супольнасць.
Гэта пры тым што кіраўнікі дыпмісій ЕС ніколі не адмаўляліся ад абароны правоў і свабодаў чалавека ў Беларусі. Дый урэшце рэшт: не яны павінны вызваляць з турмаў тых самых палітвязняў, а беларускі народ.
Меркаванні калумністаў могуць не супадаць з меркаваннем рэдакцыі. Запрашаем чытачоў абмяркоўваць артыкулы на форуме, прапаноўваць для ўдзелу ў праекце новых аўтараў або ўласныя матэрыялы. |
Последние Комментарии