Мнения других авторов

Все материалы рубрики «Мнение»



Мнение

Аляксей Янукевіч. НАРОДНЫ РЭФЕРЭНДУМ. Вяртаньне ў Эўропу


Аляксей Янукевіч. Фота photo.bymedia.net

Аляксей Янукевіч. Нарадзіўся ў 1976 годзе ў Мінску. Скончыў Беларускі дзяржаўны эканамічны ўнівэрсытэт (1997), спэцыялізацыя — кіраванне знешнеэканамічнай дзейнасцю; вучыўся ў аспірантуры БДЭУ (2003-2004). Працаваў выкладчыкам эканомікі ў Нацыянальным дзяржаўным гуманітарным ліцэі імя Коласа (2002-2003), намесьнікам генеральнага дырэктара сумеснага прадпрыемства “Аркадзія” (2004-2005). Сябра Партыі БНФ з 1996, сябра Сойму Партыі БНФ з 1999), намесьнік старшыні Партыі БНФ (2003-2009). Быў дэлегатам устаноўчага сойму “Маладога фронту” (1997), сябрам цэнтральнай рады (1997-2000), намесьнікам старшыні (1999-2000). У 2009 г. абраны старшынём Партыі БНФ. У 2011 годзе пераабраны Старшынём партыі БНФ. Вылучаўся кандыдатам у дэпутаты на выбарах у мясцовыя саветы 2003 і 2007 гадоў, у Палату прадстаўнікоў — у 2004 і 2008. На прэзыдэнцкіх выбарах 2010 года ўзначальваў выбарчы штаб Рыгора Кастусёва.

Дазвольце нагадаць — адно з пытаньняў, якія прапануюцца грамадзтву ў межах “Народнага рэферэндуму”, гучыць наступным чынам: “Ці падтрымліваеце вы курс на эканамічную інтэграцыю, асацыяцыю і стварэньне бязьвізавай прасторы з Эўрапейскім зьвязам?”.

Як і іншыя пяць пытаньняў, яно было шматразова названае беларусамі ў часе сустрэчаў у розных рэгіёнах краіны як адно з самых актуальных. Гэта было крыху больш за год таму, увосень 2014-га, калі рыхтаваўся Віленскі саміт Усходняга партнэрства. З таго часу адбыліся і драматычная перамога Майдану, і трагічныя падзеі ў Крыме і на Данбасе, якія цагнуцца да гэтага часу.

І хоць агрэсыўная расейская прапаганда, якую праз трансьляцыю расейскіх тэлеканалаў у нашай краіне спажываць і беларусы, імкнецца навязаць нэгатыўнае стаўленьне да Захаду і да Эўрапейскіх краінаў у прыватнасьці, імкнецца ўбіць у людзкія галовы нібыта прамую ды непазьбежную ўзаемасувязь паміж жаданьнем украінцаў шырока супрацоўнічаць з Эўропай і тымі жахамі вайны, якія сёньня мы бачым на усходзе Украіны — вельмі багата беларусаў і сёньня, як і год таму, жадаюць вольна езьдзіць ды гандляваць з Эўрапейскім зьвязам.

Сапраўды, беларусы цудоўна бачаць, што і самыя сучасныя тэхналёгіі, і магутныя фінансавыя рэсурсы, і высокія сацыяльныя стандарты — усё гэта ёсьць у Эўразьвязе, і усё гэта можна мець у Беларусі перадусім праз шчыльнае эканамічнае і палітычнае супрацоўніцтва зь Эўрапейскім зьвязам, а таксама з ЗША.

Праблема, аднак, палягае ў тым, што крамлёўскія імпэрскія рэваншысты не жадаюць прызнаваць права народаў на вольнае вызначэньне ўласных прыярытэтаў у эканоміцы ды зьнешняй палітыцы. Праз разьдзьмуваньне крывавага канфлікту ва Украіне Крэмль імкнецца ня толькі паўплываць на выбар украінскага народу, але й застрашыць іншыя народы, каб нават думаць не спрабавалі пра больш шчыльныя стасункі са сваімі заходнімі суседзямі. Фактычна, усім суседнім з РФ народам Крэмль імкнецца навязаць выбар: або вы толькі з намі, або вы супраць нас.

Што можна супрацьпаставіць такому крамлёўскаму шантажу ды пагрозам?

Правесьці “Народны рэферэндум”. Менавіта ўсеагульная воля народу, выказаная ў адпаведнасьці з існуючым заканадаўствам, можа спрыяць кансалідацыі беларускага грамадзтва перад абліччам крамлёўскага імпэрыялізму ў імкненьні нашага народу да больш адкрытых партнэрскіх стасункаў зь іншымі краінамі Эўропы, якія ўтвараюць сёньня Эўрапейскі зьвяз.

“Народны рэфэрэндум” прапануе рэальны шлях, як дасягнуць трансфармацыі ўнутранай ды зьнешняй палітыкі нашай дзяржавы, захаваўшы грамадзянскі мір і пазьбегнуўшы вострага супрацьстаяньня ў грамадзтве. Дэстабілізацыя ўнутранай сытуацыі ў Беларусі сёньня можа быць на карысьць толькі для Крамля.

Але гэта не азначае, што нашае грамадзтва мусіць таптацца на месцы. Мы можам рухацца наперад, і такі бясьпечны рух можа даць “Народны рэферэндум”. Менавіта ён можа ў цяперашняй складанай сытуацыі дапамагчы беларусам прайсьці свой шлях вяртаньня ў Эўропу.

 

Меркаванні калумністаў могуць не супадаць з меркаваннем рэдакцыі.
Запрашаем чытачоў абмяркоўваць артыкулы на форуме, прапаноўваць для ўдзелу ў праекце новых аўтараў або ўласныя матэрыялы.

Оценить материал:
Средний балл - 4.07 (всего оценок: 14)
Tweet

Ваш комментарий

Регистрация

Последние Комментарии

  • Ага,вяртаньне ў Эўропу,в ...опу,а не в Европу,по образу и подобию Украины. Кого кто там ждёт? Сильно Европа помогла украинцам? Ну а белорусы-то чем лучше?
  • Очень хорошо, что вы зашли. Узнаёте? tarzan 25.02.2015 // 13:56 Не служил генерал Лебедь в Белоруссии. Здесь бы его послали лупить дубинками безоружных женщин, ветеранов, мужчин и приказали бы ломать ноги молоденьким студенткам... Идеалист был тот самый генерал Лебедь... Тут вот в Киеве возле Нацбанка людей разгоняли - это Лукашенко приказал? Или этим правильно руки-ноги поломали?
  • Не расскажете, какие миллионы долларов из белорусского бюджета получают БРСМовцы и т.н. "Белая Русь" ???
  • Я только боюсь, что "Вяртанне у Яуропу" уже не выйдет: Европа изменилась, да и мы потихоньку деградировали. А поговорка говорит, что "дорога ложка к обеду".
  • 1) яны не усхваляюць балота і не гадзяць на тых, хто жыве па-людзку 2) на што яны жывуць трэба цікавіцца толькі тады, калі раскажаш, на што жывеш ты Вось калі нехта за грошы, адабраныя у пенсіянераў траціць на форумныя войны, каб з давесці, што *?:но - гэта цукерка, то гэта ужо сапраўдны ЧЛЕН квасна-патрыётаў
  • ... Ну да, то ли дело Янукевич и Лебедько сотоварищи - исключительно на членские взносы живут!