Общество

Прафесар Лукашанец: беларускую мову павінны прапагандаваць людзі паспяховыя, паважаныя і прыгожыя

Відэа Сяргея САЦЮКА 17.02.2012 / 10:37 / Просмотры: 2360 Обсудить (1)

 

Беларуская мова павінна стаць фактарам кансалідацыі, а не канфрантацыі грамадства, заявіў дырэктар Інстытута мовы і літаратуры імя Якуба Коласа і Янкі Купалы Нацыянальнай акадэміі навук Беларусі Аляксандр Лукашанец 16 лютага ў Мінску на пасяджэнні круглага стала "Папулярызацыя беларускай мовы: сучаснасць і перспектывы".

"Калі гаварыць пра праблему існавання беларускай мовы ў сучасным грамадстве, трэба адрозніваць два аспекты, — адзначыў навуковец. — Гэта, па-першае, ўзровень развіцця сістэмы мовы і, па-другое, яе становішча як сродку зносін у грамадстве. Беларуская мова сёння — гэта высокаразвітая літаратурная мова, якая можа паспяхова абслугоўваць усе патрэбы жыцця сучаснага грамадства. Наша мова развіваецца ў рэчышчы тых агульных тэндэнцый, якія вызначаюць сучаснае развіццё ўсіх славянскіх моў, у кантэксце сусветнага моўнага працэсу.

Нягледзячы на праблемы яе выкарыстання ў большасці афіцыйных сфер ужытку, беларуская мова сёння пранікае ў тыя сферы, у якіх яе раней не было, у першую чаргу ў сферу інтэрнэт-камунікацый і канфесійную сферу. А гэта значыць, што сёння беларуская мова рэальна запатрабавана і мае тэндэнцыю да пашырэння ў новыя сферы ўжытку".

Паводле слоў Лукашанца, сёння ёсць неабходная факталагічная база для таго, каб беларуская мова займала тое месца ва ўсіх сферах камунікацый, якое павінна займаць дзяржаўная мова краіны.

Што яшчэ трэба рабіць, каб мова займала належнае месца ў грамадстве? На думку вучонага, строга выконваць заканадаўства і нарматыўныя акты, якія тычацца моўнай сферы, павышаць моўную кампетэнцыю грамадства, папулярызаваць беларускую мову, ствараць ёй станоўчы імідж. "Сёння мову павінны прапагандаваць людзі паспяховыя, аўтарытэтныя, паважаныя і прыгожыя, — упэўнены Лукашанец. — Калі мы будзем чуць нашу мову ад такіх прадстаўнікоў грамадства, і іншыя пачнуць больш ахвотна ёю карыстацца. <э…> І апошняе — сёння беларуская мова павінна стаць фактарам кансалідацыі нашага грамадства, не фактарам канфрантацыі".

Оценить материал:
Средний балл - 3.00 (всего оценок: 2)

Тэги: беларуская мова (119), белорусский язык (418)Персоны: Александр Лукашанец (26)

Tweet

Ваш комментарий

Регистрация

Последние Комментарии

  • Інтэрнет камунікацыі гэта добра. Імша па-беларуску таксама. Але як быць з тым што пад час Усебеларускага сходу, калі самі ведаеце хто ляпнуў, што Франциск Скорина, это же наш Скорина, он же жил и творил в Питере то адна з камераў злавіла Леонида Мальцева, на той час міністра абароны, які аж засьвяціўся ад гэтай навіны і так пляскаў у ладкі, што я спалохаўся за армію. А гэта нармальна, калі ні КДБіст Жадобін ані Міністр Абароны Мальцаў (гэта на той час, глядзіце не пераблытайце, бо самі ведаеце хто іх памяняў пасадамі) мовай беларускай не карыстаюцца? Прашпект Скарыны часам не таму самі ведаеце хто переабазваў, каб людзі не успаміналі як ён Скарыну на 200 гадоў у будучыню перамясціў і як яму міністар абароны у ладкі пляскаў. Цікава, калі сведчыць у судох міліцыянты і салдаты унутраных войскаў МВД пачнуць па-беларуску? Суд дазволіць весці справу згодна з артыкулам 50 Канстытуцыі. Мо пакуль Алесь Бяляцкі сядзіць у турме даслаць яму Кодэксы і Уставы. Для Сукала і Мальцава з Жадобіным апошні шанец. Мо перавядзе ім на беларускую?