Галасы стагоддзя: 10 лёсаў нашых суайчыннікаў

Для Беларусі неабходнае асэнсаванне свайго савецкага мінулага.

20 лютага на youtube-канале halasy пачалася публікацыя серыі міні-інтэрв’ю «Галасы стагодзьдзя» — відэа расповедаў былых савецкіх палітвязняў.

Яшчэ падлеткамі яны былі сябрамі культурніцкіх і патрыятычных арганізацый, такіх як Саюз беларускай моладзі (СБМ), Саюз беларускіх патрыётаў (СБП), «Чайка» і г.д. За гэта ім давалі па 10, 15, 25 гадоў зняволення і ссылалі ў ГУЛАГ.

Гэта простыя і кранальныя расповеды ад першай асобы пра звычайных дзяўчат і хлапцоў Беларусі, якія любілі сваю краіну і спрабавалі па меры сваіх сіл супраціўляцца савецкаму моўнаму і культурнаму гвалту.

Такія знакавыя асобы як Ларыса Геніюш, Цімох Вострыкаў, Барыс Кіт, Аляксандр Салжаніцын, Баліс Гаяўскас ды іншыя згадваюцца ў гэтых кароткіх гісторыях.

Адметнасцю серыі відэаінтэрв’ю ёсць іх невялікі па часе фармат, што дае магчымасць паглядзець іх тым, хто не можа дазволіць сабе праглядаць шматгадзіннае відэа.

«Надзвычай істотна казаць і паўтараць пра рэпрэсіі асабліва зараз, праз стагодзьдзе бальшавіцкага перавароту, калі робяцца спробы міфалагізаваць вобраз савецкай дзяржавы.

Надзвычай істотна слухаць сапраўдныя галасы таго стагодзьдзя.

“Галасы стагодзьдзя” — гэта сьведчаньні людзей, якія жылі ў час нялюдзкіх рэжымаў — фашызму і сталінізму. Галоўная іх віна — яны любілі Беларусь і Свабоду.

Яны перажылі тыя жахлівыя рэжымы і ціха сыходзяць ад нас у лепшы сьвет, але іх галасы будуць гучаць, пакуль жыве Беларусь!» — пішуць у анонсе вытворцы серыі, сябры грамадскай ініцыятывы VivaFutura інтэрв’юер Кася Камоцкая і рэжысёр Віктар Корзун.

 

Першая з дзесяці — гісторыя Марыі Бялевіч (Бабіч).

 

 




Оставьте комментарий (0)