Культура

«Дзеяслоў» праводзіць конкурс літаратурна-крытычных твораў

Часопіс «Дзеяслоў» аб’явіў конкурс літаратурна-крытычных твораў на тэму “Беларуская літаратура ХХІ стагоддзя: постаці, тэндэнцыі, перспектывы”.

Да конкурсу прымаюцца літаратурна-крытычныя артыкулы, эсэ, рэцэнзіі, якія асвятляюць сучасны літаратурны працэс. Да ўдзелу запрашаюцца маладыя крытыкі і літаратуразнаўцы, якія пішуць на беларускай мове. Для пераможцаў конкурсу будзе зладжаны семінар з майстар-класамі вядомых беларускіх літаратараў і крытыкаў.

Дасылаць творы можна ў электронным (пажадана) ці рукапісным выглядзе на адрасы: [email protected] альбо 220025, г. Менск-25, а/с 91 з пазнакай “для конкурсу”. Заяўкі прымаюцца да вясны.