Культура

8 красавіка ў «Акадэмкнізе» — галасы Караткевіча, Геніюш і Барадуліна

Аўдыёпрэзентацыя дыску «Галасы Уладзімера Караткевіча, Ларысы Геніюш, Рыгора Барадуліна. 1968» адбудзецца 8 красавіка ў кнігарні «Акадэмкніга» пры падтрымцы кампаніі «Будзьма!» і Блогу Глеба Лабадзенкі.

У імпрэзе прымуць удзел аўтары праекту, паэты Глеб Лабадзенка і Сяргей Панізнік. Кожны, хто прыйдзе на прэзентацыю, атрымае ўнікальную магчымасць пачуць галасы беларускіх класікаў, набыць дыск ды падпісаць яго ў Сяргея Панізніка.

Дыск «Галасы Уладзімера Караткевіча, Ларысы Геніюш, Рыгора Барадуліна. 1968 год» выйшаў у свет 1 красавіка, на ім змешчаны ўнікальныя архіўныя запісы ў аўтарскім выкананні: 5 вершаў і 3 песні Караткевіча, 7 вершаў Ларысы Геніюш, 7 вершаў Рыгора Барадуліна, а таксама 8-хвілінны расповед Сяргея Панізніка пра тое, як запісваліся гэтыя галасы.