Другие материалы рубрики «Культура»
-
Дыктатура можа дапамагчы беларускім творцам дайсці да еўрапейскага чытача
Вядомая чэшская пісьменніца Ірэна Доўскава наведала Мінск для ўдзелу у фестывалі еўрапейскай прозы «Еўрапеана»... -
Беларускі спектакль трапіў у атмасферу ўсерасійскай гістэрыі
Рэжысёр Андрэй Саўчанка распавёў пра скандал пасля спектакля “Бі-Лінгвы” ў Маскве…
- «Океан Ельзи» возвращается с концертами в Беларусь
- Каждый четвертый может пойти на минский концерт Робби Уильямса бесплатно
- Объявили лауреатов литературной премии «Дебют» имени Богдановича
- В авикатастрофе на юге Франции погиб оперный певец Олег Брияк
- Першы сольны канцерт Tonqixod пройдзе ў тэатры
- В Минске открылась шокирующая выставка Адама Глобуса
- Виолончельную сюиту Баха сыграли в метро на индийской маримбе
- Профессиональные музыканты сыграли Баха в переходах Минского метро
- Купалаўскi шрыфт — ад А да Я
- На Червенском рынке гукали весну
Культура
У Мінску, Салігорску і Пінску адбудуцца традыцыйныя шведска-беларускія літаратурныя чытанні
З 13 па 15 траўня ў рамках Дзён культуры Швецыі ў Мінску, Салігорску і Пінску адбудуцца традыцыйныя літаратурныя чытанні.
У літаратурных імпрэзах возьмуць удзел як шведскія, так і беларускія аўтары, сярод якіх Агнета Плеель, Мацей Зарэмба, Азар Махлуян, Дзмітры Плакс, Яніна Арлоў (Швецыя), а таксама Барыс Пятровіч, Валянцін Акудовіч, Андрэй Хадановіч, Марыйка Мартысевіч, Віталь Рыжкоў і Анка Упала (Беларусь).
Удзельнікі імпрэзы будуць чытаць урыўкі з ўласных твораў. Пераклад шведскіх твораў на беларускую мову агучыць акторка Купалаўскага тэатра Алена Іваннікава. Весці літаратурныя вечарыны ў Мінску і Салігорску будзе беларускі літаратар, старшыня Беларускага ПЭН-цэнтра Андрэй Хадановіч. З музычным суправаджэннем выступіць Сяргей Пукст.
Адкрыюцца шведска-беларускія літаратурныя чытанні 13 траўня ў 18:00 у Мінску, у “Тэатры-студыі імя Е.Міровіча” (пр-т Незалежнасці, 81). 14 траўня ў 18:00 літаратурна-музычная вечарына адбудзецца ў Гарадскім доме культуры Салігорска, а 15 траўня ў 16:00 дэлегацыю шведскіх і беларускіх літаратараў прыме Палескі дзяржаўны універсітэт у Пінску (Кірава, 24).
У праграме Дзён культуры Швецыі ў Беларусі таксама прэзентацыя кнігі Юі Вісландэр “Малы і Мядзведзік” (18.05 у 16:00 у Нацыянальнай бібліятэцы Беларусі, у галерэі “Лабірынт” па адрасе: Мінск, пр-т Незалежнасці, 116) і манаграфіі Андрэя Катлярчука “У ценю Польшчы і Расеі. Вялікае Княства Літоўскае і Швецыя ў часе эўрапейскага крызісу сярэдзіны XVII ст.” (01.06 у 16:00 тамсама). 18 траўня ў 12:00 у Цэнтральнай дзіцячай бібліятэцы (пр-т Газеты “Праўда”, 20) адбудзецца сустрэча Юі Вісландэр з малымі чытачамі.
Мінскія гледачы таксама атрымаюць магчымасць паглядзець 4 шведскія мастацкія стужкі. Дэманстрацыя фільмаў будзе праходзіць у чэрвені ў кінатэатры “Цэнтральны” (пр-т Незалежнасці, 13). 9 чэрвеня ў 18:30 можна будзе ўбачыць драму Б’ёрна Рунге “Штучнае дыханне” (2005), 10 чэрвеня ў 18:30 — драму Томаса Альфрэдсана “Дазволь мне ўвайсці” (2008), 11 чэрвеня ў 18:30 — драму Б’ёрна Стайна і Монса Марлінда “Шторм” (2005) і 12 чэрвеня ў 18:30 — драму Лейфа Ліндблума “Сонечны шторм” (2007).
В настоящее время комментариев к этому материалу нет.
Вы можете стать первым, разместив свой комментарий в форме слева