У Мінску паставілі аўдыёспектакль по п’есе класіка польскай літаратуры Аляксандра Фрэдра “Дзявочыя зарокі”

27 лютага ў Літаратурным музеі Максіма Багдановіча ў Мінску адбудзецца прэзентацыя аўдыёспектакля па п’есе класіка польскай літаратуры Аляксандра Фрэдра “Дзявочыя зарокі, або Магнетызм сэрца”. Імпрэзу праводзяць кампанія “Прастора бай” і Польскі Інстутут у Мінску.

Аўдыёспектакль — першая пастаноўка твора на беларускай мове.

У спектаклі задзейнічаны зорны склад творцаў: народны артыст Беларусі Генадзь Аўсяннікаў, заслужаны артыст Беларусі Ілля Курган, заслужаная артыстка Беларусі Тамара Нікалаева-Апіок, акцёры Нацыянальнага акадэмічнага тэатра імя Янкі Купалы Ігар Пятроў (рэжысёр спектакля), Кацярына Алейнікава, Марта Голубева, Ігар Карасцялёў.

Музыку адмыслова для спектакля запісаў гурт “Вытокі” пад кіраўніцтвам лаўрэата міжнародных конкурсаў Аляксея Фралова.

Пераклала п’есу на беларускую мову Марыя Мартысевіч.

У прэзентацыі возьмуць удзел прадстаўнікі амбасады Польшча ў Беларусі, Польскага інстытута у Мінску, пісьменніца Марыя Мартысевіч, выдавец Алесь Калоша.

Пачатак а 18-й гадзіне. Уваход вольны.