Мнения других авторов
- 24.03 // 12:52 Наталья Рябова. КАК ОБУСТРОИТЬ БЕЛАРУСЬ. Крабий бюджет // Статья
- 23.03 // 17:37 Сергей Зикрацкий. БИЗНЕС В ЗАКОНЕ. Индивидуальные предприниматели — новый формат работы или уклонение от уплаты налогов? // Статья
- 23.03 // 12:44 Брюс Бакнелл. ЕВРОПА. Мы помним о том, что произошло в Крыму год назад // Статья
- 22.03 // 13:47 Алесь Мікус. ПРАЕКЦЫІ. Як дзеці. Как дети // Статья
- 21.03 // 12:20 Владимир Подгол. МЕЖДУ СТРОК. Спровоцируют ли кровавый майдан на День Воли? // Статья
Другие Мнения этого автора
- 07.02 // 13:37 Рыгор Кастусёў. ЛІНІЯ ФРОНТУ. Колькі вяровачцы не віцца… // Статья
- 21.12 // 13:27 Рыгор Кастусёў. ЛІНІЯ ФРОНТУ. Аб дзейнасці беларускага ўраду і свінстве // Статья
- 23.11 // 13:46 Рыгор Кастусёў. ЛІНІЯ ФРОНТУ. Аб тактыка-эканамічных хітрасцях магілёўска-шклоўскай вертыкалі… // Статья
- 26.10 // 12:25 Рыгор Кастусёў. ЛІНІЯ ФРОНТУ. І хто ж у нас утрыманцы і дармаеды??? // Статья
- 28.09 // 10:53 Рыгор Кастусёў. ЛІНІЯ ФРОНТУ. Дарэфармаваліся… // Статья
Мнение
Рыгор Кастусёў. ЛІНІЯ ФРОНТУ. Ці патрэбна Беларусі АЭС?
Рыгор Кастусёў. Намеснік старшыні Партыі БНФ, экс-кандыдат на пасаду прэзідэнта Рэспублікі Беларусь на выбарах-2010. Нарадзіўся ў 1957 годзе ў вёсцы Цяхцін Бялыніцкага раёна. У 1982 годзе скончыў Беларускую сельскагаспадарчую акадэмію па спэцыяльнасці інжынер-механік. Служыў у Савецкай арміі, працаваў галоўным інжынерам, дырэктарам саўгаса, дырэктарам Шклоўскага раённага аб'яднання жыллёва-камунальнай гаспадаркі. У 2001 годзе вымушаны быў сысці з пасады пад ціскам уладаў з-за працы ў камандах кандыдатаў ад дэмакратычных сілаў. Быў дырэктарам сумеснага беларуска-ўкраінскага прадпрыемства. Тройчы абіраўся дэпутатам мясцовых саветаў. Аўтар праграмы развіцця і рэфармавання жыллёва-камунальнай гаспадаркі Рэспублікі Беларусь на 2010-2015 гады, прапанаванай Партыяй БНФ. |
Аб вызначэнні тэхналогіі будаўніцтва АЭС вядома са слоў галоўнага інжынера ДУ "Дырэкцыя будаўніцтва АЭС" А.Бондара.
Першая атамная электрастанцыя ў Беларусі будзе ўзводзіцца па расійскаму праекту АЭС-2006, распрацаванаму ААТ "Санкт-Пецярбургскі навукова-даследчы і праектна-канструктарскі інстытут "Атамэнергапраект" (уваходзіць у расійскую дзяржкарпарацыю "Расатам"). Распрацоўка катлавана для будаўніцтва беларускай АЭС на Астравецкай пляцоўцы ў Гродзенскай вобласці пачнецца ўжо ў верасні 2011 года. Цяпер там вядуцца падрыхтоўчыя работы, ідзе будаўніцтва аўтамабільнай дарогі і чыгункі, ствараецца вытворчая база. АЭС будзе складацца з двух энергаблокаў сумарнай магутнасцю да 2,4 тыс. МВт. Першы энергаблок АЭС плануецца запусціць у 2017 годзе, другі - у 2018-м.
Згодна са сцвярджэннямі кіраўніцтва краіны, пуск АЭС дазволіць цалкам забяспечыць патрэбнасць Беларусі ў электраэнэргіі і дасць магчымасць за кошт продажу лішкаў электраэнэргіі суседнім краінам значна павялічыць паступленне валюты. На першы погляд, з улікам негатыўных працэсаў, што адбываюцца ў эканоміцы краіны, калі адкінуць магчымыя наступствы, задумка выглядае і няблага.
Але ж да гэтай пары застаецца шэраг пытанняў, на якія Ўрад краіны не можа даць і не дае адказу.
1. Колькі будзе каштаваць для беларускага народу будаўніцтва атамнай станцыі?
2. Колькі будзе каштаваць для беларускага народу падрыхтоўка кадраў для эксплуатацыі АЭС?
3. Які памер матэрыяльных страт атрымае беларускі народ з-за вывядзення з сельгасвыкарыстання плошчаў, адведзеных пад будаўніцтва аб'ектаў АЭС?
4. Як будзе выглядаць у выніку эфектыўнасць укладання сродкаў у будаўніцтва АЭС?
За апошняе дзесяцігоддзе нярэдка можна было пачуць гучныя рэляцыі аб поспехах у бадаўніцтве новых аб'ектаў, прадукцыя якіх павінна была паступаць на экспарт. Як, напрыклад, прадукцыя Шклоўскага завода газетнай паперы, паводле дзяржаўных СМІ, уведзенага ў строй у 2008 годзе. Але ўсе гэтыя тры гады завод так і не выведзены на поўную магутнасць і дасюль усё "кувыркаецца".
І ў сферы энэргетыкі, як сцвярджаюць дзяржаўныя СМІ, планаваліся і дасягнуты значныя поспехі. Так, Урадам краіны была распрацавана і зацверджана ў 2006 годзе цэлая Рэспубліканская праграма мадэрнізацыі аб'ектаў энэргетыкі з мэтай павышэння энэргаэфектыўнасці і энэргабяспекі краіны. На выкананне Рэспубліканскай праграмы 2006-2010 гадоў было запланавана і праведзена фінансаванне з розных крыніц для мадэрнізацыі аб'ектаў энэргетыкі каля 5,5 млрд. долараў.
Агромністыя сродкі патрачаныя, а праблемы энэргаэфектыўнасці і энэргабяспекі краіны так і засталіся да гэтай пары нявырашанымі.
А ў той жа час за ўдзел у мерапрыемствах па энэргазберажэнню многія чыноўнікі атрымліваюць значныя прэміі. Напрыклад, як прагучала з даклада старшыні Магілёўскага аблвыканкама П.Рудніка на паседжанні аблвыканкама 04.03.2011 года, толькі па Магілёўскай вобласці такія прэміі за мінулы год атрымалі 19 тысяч чалавек. І ў той жа час многія аб'екты на тэрыторыі вобласці ўведзены ў строй несвоечасова або з парушэннямі.
Што казаць, калі нават эксперыментальны кацёл на саломе вытворчасці беларуска-французскага прадпрыемства "Камконт" (г. Гомель) устаноўлены на кацельні ЖКГ г. Глуска і ўведзены ў эксплуатацыю згодна са справаздачай 31 снежня 2010 года, да гэтай пары не даведзены да ладу. Хаця падобныя агрэгаты эксплуатуюцца ў краінах Заходняй Еўропы ўжо шмат год.
Дык ці патрэбна Беларусі атамная станцыя? Што будзе з ёй, калі яна пасля афіцыйнай здачы ў эксплуатацыю будзе "кувыркацца", як завод газетнай паперы ў Шклове? А можа быць, нам больш актыўна скіравацца на распрацоўкі тэхналогій па выкарыстанню мясцовых відаў паліва і аднаўляемых крыніц энэргіі? Давайце падумаем...
Меркаванні калумністаў могуць не супадаць з меркаваннем рэдакцыі. Запрашаем чытачоў абмяркоўваць артыкулы на форуме, прапаноўваць для ўдзелу ў праекце новых аўтараў або ўласныя матэрыялы. |
Последние Комментарии