Другие материалы рубрики «Общество»

  1. Байнет шутит: папа, купи трактор!
    Александр Лукашенко съездил в Ватикан и быстро подружился с новым папой римским.
  2. Марианна Щеткина обиделась за всё правительство
    Министр труда и соцзащиты посчитала один из вопросов депутата Ольги Политико в адрес правительства оскорбительным.


Общество

Ад мора да мора і назад. Энтузіясты паказалі гісторыю Беларусі на інтэрактыўнай мапе

 

У Байнэце з'явіўся гістарычны праект, якога, магчыма, шмат каму не хапала. Цяпер кожны можа зручна і з цікавасцю паднавіць свае веды па гісторыі краіны.

Праект «Мапа станаўлення Беларусі» быў запушчаны 25 студзеня і цяпер імкліва распаўсюджваецца ў сацсетках. Інтэрактыўная мапа паказвае, як змянялася тэрыторыя нашай краіны ў розныя гістарычныя перыяды і з чым гэта было звязана.

Яна даступная на беларускай, рускай і англійскай мовах.

Аўтар праекта дызайнер Аляксей Чаранкевіч першапачаткова хацеў проста асвяжыць уласныя веды па гісторыі Беларусі, і ўжо потым зразумеў, што можа дапамагчы і іншым.

Аляксей Чаранкевіч «Гады два таму я вырашыў, што хачу асвяжыць свае веды па гісторыі Беларусі, узяў цудоўную кніжку Уладзіміра Арлова «Краіна Беларусь. Ілюстраваная гісторыя», пачаў яе чытаць і ў нейкі момант зразумеў, што трошкі згубіўся ў часе і месцы, і нейкая каша ў галаве атрымліваецца. У мяне адразу нарадзілася ідэя, што з гэтага можна намаляваць класную інфаграфіку», — распавёў Аляксей.

Некаторы час ён выношваў гэтую задумку, рабіў эскізы. Канчаткова ідэя праекта сфармавалася ў маі мінулага года, тады ж пачалася і рэалізацыя.

«Сам бы я ўсё не адолеў, мне дапамагалі калегі па працы і проста сябры, якія ў некаторых дысцыплінах разбіраюцца лепш за мяне — гэта фронт-энд распрацоўшчык, капірайтэры, перакладчыкі, іншыя дызайнеры, без кансультацыі якіх у мяне б не атрымалася. Вядома, пры такой колькасці людзей хтосьці павінен быў усім запраўляць, таму ў нас у праекце быў менеджэр».

Каманда працавала на энтузіязме — жаданні самім разабрацца ў гісторыі і вырашыць цікавую дызайнерскую задачу, распавёў Аляксей.

Гісторыкаў да праекту не прыцягвалі. «Калі б я папрасіў кагосьці падабраць ўсе дадзеныя замест мяне, гэта было б скажэннем першапачатковага пасылу», — адзначыў аўтар ідэі.

Акрамя таго, дадаў ён, каманда адмыслова «не лезла ў нетры» і старалася выкарыстоўваць агульнавядомыя факты гісторыі. Ды і сам праект першапачаткова ствараўся выключна як аматарскі.

Оценить материал:
Средний балл - 4.43 (всего оценок: 7)

Ваш комментарий

Регистрация

В настоящее время комментариев к этому материалу нет.
Вы можете стать первым, разместив свой комментарий в форме слева