Паспяховыя і беларускамоўныя. Зайздросныя жаніхі і нявесты

Naviny.by узгадалі самых зайздросных жаніхоў і нявест. І беларуская мова — толькі адзін з іхніх плюсаў.

Прайшлі тыя часы, калі беларускую мову лічылі выміраючай і калгаснай. Сёння паспяховыя беларусы і беларускі імкнуцца вывучыць мову, размаўляюць на ёй у штодзённым жыцці. І гэта прыклад, варты пераймання.

Naviny.by узгадалі самых зайздросных жаніхоў і нявест. І беларуская мова — толькі адзін з іхніх плюсаў.

 

ЖАНІХІ

Віталь Гуркоў — сапраўдны асілак зямлі беларускай, які ўвесь час дае нагоду сабой ганарыцца. Ён дзесяціразовы чэмпіён свету па тайскім боксе. Свае поспехі здабывае на рынгу, і яго не клічуць папіць гарбаты з Лукашэнкам.

Два гады таму Віталь нечакана з’явіўся на сцэне як удзельнік гурта Brutto. Ён удала сумяшчае музыку і спорт. “Зараз ідзе трэнд адраджэння культуры, мовы, гісторыі, самасвядомасьці. Памалу адбываюцца пазытыўныя перамены. Можна незадаволена бурчаць: «Цяпер беларуская моваі культура — гэта папса». Добра! Мне падабаецца такая папса! — кажа Гуркоў.

 

Алесь Малчанаў — акцёр Купалаўскага тэатру, вядомы таксама па фільмах “У жніўні 44-га”, “Масакра”, “Акупацыя. Містэрыі”, “Жыве Беларусь”. З выгляду сціплы, але насамрэч упэўнены і самадастатковы артыст, які не баіцца ў выказаць сваё меркаванне.

 

Віталь Рыжкоў — паэт. Калі Рыжкоў чытае вершы, дрыжыкі па скуры бягуць нават у самага абыякавага да літаратуры чалавека. Той выпадак, калі талент падмацаваны харызмай. “Калі ў нас заканадаўча вызначанае дзвюхмоўе, то хацелася б раўнапраўя не толькі на паперы.Беларуская мова як замежная — гэта ганьба”, — адзначаў Віталь.

 

Лявон Вольскі — славуты беларускі музыкант, заснавальнік гуртоў “Мроя”, N.R.M. і “Крамбамбуля”. Ягоную песню “Тры чарапахі” можна смела назваць неафіцыйным гімнам Беларусі, бо ведаюць яго і актывісты апазіцыі, і члены БРСМ.

Беларускія ўлады ўсяляк спрабуюць забараніць Вольскага, але гэта той самы выпадак, калі ягоную песню ніякімі ўказамі не стрымаць і не спыніць. “Калі мы толькі пачыналі займацца беларускай музыкай, лічылася, што беларуская мова — гэта калгас.Цяпер беларуская мова стала моднай. Гэта добры працэс”,лічыць Лявон.

 

Дзмітрый Vinsent Папко вучыўся на журналіста, а стаў рэперам і акцёрам. Выканаў галоўную ролю ў фільме “Жыве Беларусь”, пасля чаго быў вымушаны часова з’ехаць з краіны. “Я не хачу пісаць песні па-руску, каб нехта ў Туле думаў, што беларусы — лахі і не маюць свайго хіп-хопу, — казаў ён у інтэрв’ю. — Я прынцыпова хачу ствараць нацыянальны прадукт”.

 

Франак Вячорка — актывіст, журналіст, палітык у мінулым, а магчыма, і ў будучыні. Зараз навучаецца ў Злучаных Штатах, але не губляе сувязі з радзімай. Быў адным з заснавальнікаў папулярных курсаў “Мова ці кава”. Беларуская мова з ягоных вуснаў гучыць так прыгожа і натуральна, што бадай ніхто не стане з ім спрачацца, якая мова лепшая ў свеце.

 

Улад Луневіч — стваральнік сеткі рэстарацыяў і кафэ у модным мінскім квартале “Кастрычніцая”: ENZO, «ЛАЎКІ» і «ДЭПО». У аздабленні прынцыпова выкарыстана беларуская мова. Той прыклад, калі бізнэс цягнецца да мовы, а значыць, і да людзей.

 

Пётр Клюеў — музыкант, які бачыць сваю місію ў тым, каб наблізіць савецкіх людзей да беларускай мовы. Нават за мяжой ён выступае з большага па-беларуску. Пётр ужо ўдзельнічаў ва ўкраінскім “Х-фактары”, зараз рыхтуецца да расійскага “Голасу”. Ён ўпэўнены, што хутка надыйдзе час, калі беларуская мова стане натуральнай у нашым грамадстве, і большасць будзе размаўляць менавіта на ёй.

 

Алесь Пілецкі — журналіст і аўтар смешных фейкавых дыялогаў Лукашэнкі. Ягоны цыкл #давайпака збірае ў сацсетках сотні лайкаў. Алесь наперад ведае, што прэзідэнт адкажа Пуціну, Мядзведзеву і нават лідэрам “пятай калоны”, калі неба расколецца і Аляксандру Рыгоравічу ўсё ж давядзецца размаўляць з апазіцыяй.

 

Андрусь Горват — самы модны беларускі пісьменнік. Ён з’ехаў з Мінску ў вёску, падняў гарод і дзедаву хату, завёў казу і сваімі дасціпнымі расповедамі пра жыццё на Палессе змог замілаваць тысячы беларусаў. Ягоную кнігу “Радзіва Прудок” раскупілі за лічаныя дні. А пытанне, ці чытаў ты Горвата, стала самым папулярным у сацсетках.

 

НЯВЕСТЫ

Калі Таццяна Равяка вучылася на філфаку, наўрад ці магла падумаць, што стане адной з самых вядомых беларускіх праваабаронцаў, на долю якіх выпадае шмат выпрабаванняў — ад таго, што трэба вытрымаць перажыванні ахвяраў да асабістых пагрозаў з боку ўладаў.

Музей Максіма Багдановіча, дзе Таццяна працавала ў 90-х, стаў месцам збору ахвяраў палітычных рэпрэсіяў. З таго часу Таццяна і яе калегі штодзень дапамагаюць беларусам адстойваць свае правы. За беларускую мову яны таксама змагаюцца ўсе гэтыя гады.

 

Валянціна Гарцуева — актрыса Купалаўскага тэатра, пераможца тэатральных конкурсаў. Нарадзілася ў тэатральнай сям’і, але свой талент пацвярджае кожны раз на сцэне. І трэба сказаць, яе ролі сапраўды запамінальныя.

 

Аліна Талай была адной з першых спартсменак, якая падтрымала беларускую мову і нашы нацыянальныя сімвалы. Зараз яна ездзіць па школах і на сваім прыкладзе заахвочвае вучняў ведаць і паважаць нашу гісторыю і культуру. Але не будзем забываць пра спартовыя поспехі! Аліна — шматразовая прызёрка па лёгкай атлетыцы. І наш фаварыт на ўсіх спаборніцтвах.

 

Юлія Дарашкевіч вядомая як фатограф газеты “Наша ніва”. Тыя, хто помніць акцыі пратэсту ў пачатку 2000-х, дакладна асацыююць іх з яе здымкамі. Зараз Юлія з’яўляецца дырэктарам творчай прасторы ЦЭХ, дзякуючы якой ажыло культурнае і грамадскае жыццё Мінску.

 

Вольга Гапеева дакладна ведае, як зацікавіць дзяцей “Сумным супам” (так называецца яе апошняя кніга). Апроч таго, яна вядомая як паэтка і перакладчыца. Толькі ўявіце: яна перакладае на беларускую з англійскай, нямецкай, латышскай, кітайскай і нават японскай моваў!

 

Вольга Стужынская доўгі час узначальвала “Офіс за дэмакратычную Беларусь” у Брусэлі. Яна настойвала, што візавыя санкцыі аддаляюць Беларусь ад Еўропы, спрыяла навучанню нашых спецыялістаў у ЕС. Дзякуючы яе намаганням у свой час выйшла англамоўная версія гістарычнай кнігі “Краіна Беларусь”. 

 

Меліціна Станюта вядомая не толькі сваімі спартовымі дасягненнямі (адна з лепшых беларускіх гімнастак), але і падтрымкай беларускай мовы, у якасці госці выступала на курсах “Мова нанова”.

“Я ведаю беларускую мову дзякуючы маім бацькам, — распавядала Меліціна. — Нармальны стан — валодаць роднай мовай. Гэта важна, гэта патрэбна, мне беларуская мова вельмі падабаецца. Даволі шмат спартоўцаў сябруюць з мовай. Іншая справа, што не карыстаюцца.Хвалююцца, саромеюцца зрабіць памылкі. Я таксама адчуваю хібы, але трэба размаўляць, каб іх было менш”.

 

Вольга Чайкоўская вядомая як паэтка, журналістка, апошнім часам — дырэктарка кінафестывалю “Паўночнае ззяне” ў Беларусі, мэта якога — несці мастацтва кіно пераважна ў перакладзе на беларускую мову не толькі ў сталіцу, але і ў рэгіёны нашай краіны.

 

Вольга Кавалькова не дае спаць у шапку беларускім уладам. Яна адна з самых актыўных палітыкаў у аргкамітэце па стварэнні партыі БХД. Выступае супраць абортаў і алкагалізацыі насельніцтва. Падкрэслівае, што апроч палітычнай дзейнасці мае некалькі працаў і добра ведае, чым жывуць простыя беларусы. Неаднаразова вылучалася ў кандыдаты на парламенцкіх і мясцовых выбарах.


  • Забыли: 1. Зенона Поздняка - тоже холостой и болорусскоязычный; 2. Татьяну Короткевич - аналогично.
  • Пойташ Задунайский
    " Савецкiя людзi " знают беларусскую мову не хуже - и " наближаць " их никуда не надо - советская школа была на голову выше . А благодаря русскому парню из Екатеринбурга Владимиру Мулявину , основателю " Песняров " , белорусскую мову узнали во всех уголках мира - вот кого надо вспоминать и благодарить нынешним " белпросветителям " - но о нем они предпочитают не вспоминать , а поднимают на щит каких-то безвестных персонажей . И еще - все , что навязывается , чаще всего вызывает отторжение и игнорируется .
  • Прям "Кандидатура жены/мужа одобрена лично фюрером...", пардон, БНФ-ОГП.
  • я бы, может, и остановил свой выбор на Віталi Гуркоўэ (? а якое тут оканчанне на мове?), но татуировки и мова довольно большие для меня turn-offs... я люблю всё естественное... и когда шепчут мне в ухо на моём родном языке, а не выпендриваются дЗИЯлектами... но если он прошепчет на родном моём палескам дЫАлекте, яки прыгажее у разы, то, может, закрою глаза и на татуировку...
  • Ну, из женихов однозначно достойный только Гурков (как он сюда затесался?), под вопросом - Луневич, всё остальное - отбросы.
  • Из невест - только Талай и Станюта. Остальное - шлак. Главное, чтобы ты говорил по делу и тебя понимали.
  • Алена Лапцёнак
    Чаму пра Франака згадалі, а пра Вінцука не? Ён жа самы беларускамоўны жаніх з усіх тут названых і неназваных, калі "навіныбай" не лічаць яго зайздросным :)
  • Можна І Вінцука Вячорку, і Ядю Паплаўскую дадаць... што за артыкулы.... няўжо больш няма што пісаць... Вольскага жонка памерла год назад... Спадары рэдактары, у Вас там з душою ўсё добра? Га?